Interi bën tifo për Marseillen në Ligue 1, kjo pasi mund t’i marr 10 milionë euro

Interi që po mendon për afatin kalimtar veror, ka nisur të bëjë tifo për Marseillen në Ligue 1 të Francës, pasi kjo lidhet me Joaquin Correa i cili në formë huazimi.

Në rast se francezët kualifikohen për në edicionin e ardhshëm të Ligës së Kampionëve, atëherë huazimi shndërrohet në blerje të detyruar dhe në këtë formë Interi mbush arkat me 10 milionë euro.

Për momentin, duket e vështirë që Marseille të kualifikohet për në Ligën e Kampionëve sezonin e ardhshëm pasi vendi i tretë në Ligue 1 është plot shtatë pikë larg.

Ndërkohë, vendi i katërt që mbahet nga Lille është katër pikë larg, por vendi i katërt nuk do të thotë kualifikim direkt.

Një shans tjetër, Marseille e ka edhe nga Liga e Evropës, turne që duhet ta fitojë nëse do të luajë në elitë.

Sigurisht, rrugëtimi aty është edhe më i komplikuar me francezët që në çerekfinale përballen me Benficën, ndërsa në garë janë edhe klube si Liverpool, Milan apo Bayer Leverkusen.

Gjithsesi, Interit nuk i mbetet gjë tjetër veçse të shpresojë në kualifikimin e Marseille për të fituar 10 milionë euro me largimin e Joaquin Correas, që nuk bën pjesë në planet e Simone Inzaghit. /Telegrafi/