Interi kurorëzohet kampion dimëror në Serie A për sezonin 2023/24

Fitorja dramatike e Interit 2-1 ndaj Hellas Veronës sot (e shtunë) pasdite konfirmoi statusin e Nerazzurrëve si kampionë dimëror të Serie A për sezonin 2023/24.

Interi e ka pushtuar gjysmën e parë të sezonit, duke u renditur në krye të tabelës me një total prej 48 pikësh pas 19 xhirove, pesë pikë më shumë se Juventusi i vendit të dytë, përpara përballjes së tyre me Salernitanën të dielën.

Djelmoshat e trajnerit Simone Inzaghit kanë shënuar një rekord prej 15 fitoresh nga 19 të mundshme, plus tre barazime dhe vetëm një humbje, që erdhi kundër Sassuolos në fund të shtatorit.

🔵⚫️ @Inter_en confirm their place at the top of the table exactly mid-way through the #SerieA season 💥

In 10 out of the last 17 times this happened, they won the Scudetto 🏆 pic.twitter.com/ksPFjF6VQr

— Lega Serie A (@SerieA_EN) January 6, 2024

Për krahasim, Napoli ishte vetëm dy pikë më mirë gjatë sezonit të tyre fitues të titullit 2022/23 sesa Interi aktualisht në sezonin 2023/24. Napoli gjithashtu kishte humbur vetëm një herë, por kishte fituar 16 dhe barazoi dy herë për një numër prej 50 pikësh pas 19 ndeshjesh.

Nëse Interi vazhdon të përfundojë gjysmën e dytë të sezonit me të njëjtin raport pikësh për lojë siç ka arritur në pjesën e parë, ata do ta mbyllin sezonin 2023/24 me një total prej 96 pikësh.

Megjithatë, ndërsa të qenit në krye të tabelës në gjysmën e sezonit është zakonisht një tregues i mirë për fituesin eventual të Scudettos, Kampionët e Dimrit jo gjithmonë fitojnë titullin.

Interi synon ta fitojë këtë sezon titullin e 20-të në histori të Serie A

Interi do ta dijë mirë këtë gjithashtu, pasi rivalët e tyre, Milani, ishin në krye të tabelës në janar të sezonit 2020/21, por që Nerazzurrët ishim më të mirë në gjysmën e dytë të sezonit, duke ngritur trofeun në fund të sezonit.

Sezonin tjetër, ishte e njëjta histori, por e kundërta. Interi ishte kampion i dimrit, por Milani vazhdoi të fitonte Scudetton nën drejtimin e Stefano Piolit.

Nga 17 herë që Interi ka udhëhequr Serie A në gjysmë të sezonit, ata kanë vazhduar të fitojnë titullin në fund të sezonit. /Telegrafi/