Italia mund të takohet me tre trajnerë italianë në grupet e Euro 2024

Përfaqësuesja e Italisë është kualifikuar në Euro 2024 dhe mund të takohet me tre trajnerë italianë në fazën e grupeve të Kampionatit Evropian të vitin e ardhshëm.

Azzurrët janë kualifikuar për “Gjermani 2024” pas barazimit 0-0 kundër Ukrainës në BayArena në Leverkusen të hënën mbrëma.

Kjo do të thotë se ata do të mund të mbrojnë titullin evropian vitin e ardhshëm, por djemtë e Luciano Spallettit ka të ngjarë të jenë në vazon 4 në shortin e fazës së grupeve më 2 dhjetor.

Nëse Kroacia mund Armeninë sonte, Azzurrët do të përfundojë automatikisht në vazon e katërt dhe të fundit me shanse të larta për të takuar ekipet më të forta në turne.

Megjithatë, sipas La Gazzetta dello Sport, ata madje mund të përfundojnë në një grup me tre trajnerë italianë: Domenico Tedesco, Marco Rossi dhe Vincenzo Montella ose Francesco Calzona.

Belgjika e Tedescos do të jetë në vazon e parë, pasi ka fituar Grupin F me 20 pikë. Tedesco u emërua si trajner i belgëve shkurtin e kaluar.

20% of the coaches at EURO 2024 will be Italian – breaking a record in the competition 🇮🇹

The 5️⃣ who qualified:

✅ Montella 🇹🇷
✅ Tedesco 🇧🇪
✅ Rossi 🇭🇺
✅ Spalletti 🇮🇹
✅ Calzona 🇸🇰

Take notes ✍️

H/T @gippu1 pic.twitter.com/hlRcpkFM1Q

— Italian Football TV (@IFTVofficial) November 21, 2023

Hungaria e Rossit me siguri do të jetë në vazon dy, njësoj si Turqia e Montellas, por skuadra e ‘Aeroplaninos’ mund të bjerë në vazon e tretë nëse Kroacia mund Armeninë dhe Turqia humbet nga Uellsi.

Një tjetër trajner italian, Francesco Calzona, është në krye të Sllovakisë që është kualifikuar në Euro 2024 dhe do të jetë në vazon e tretë. Calzona është një fytyrë e njohur për Spallettin pasi 55-vjeçari ishte ndihmës trajneri i Lucianos në Napoli në sezonin 2021/22 përpara emërimit të tij si trajner i Sllovakisë në gusht 2022. /Telegrafi/