Jadon Sancho e ka zgjidhur tashmë debatin e ‘GOAT’ mes Messit dhe Ronaldos

Sulmuesi anësor i Borussia Dortmund, Jadon Sancho, njëherë e mirë thuhet se e ka zgjedhur debatin midis Lionel Messit dhe Cristiano Ronaldos kur zgjodhi më të mirin e të gjitha kohërave.

Sancho është kthyer në Dortmund në një marrëveshje huazimi gjashtëmujore, e cila do të zgjasë deri në fund të sezonit 2023/24.

Një video nga prapaskenat e postuar në kanalet e mediave sociale të klubit gjerman ka treguar tashmë se 23-vjeçari po ambientohet përsëri me jetën në Signal Iduna Park, pasi kishte kaluar tre sezone atje përpara se të transferohej te United në vitin 2021.

Ishte në Gjermani koha që ai krijoi një reputacion si një nga sulmuesit anësor më të mirë të rinj në planet, megjithëse kjo formë nuk u përkthye në Old Trafford.

Në vitin 2020, Sancho mori pjesë në një intervistë me SoccerBible dhe iu kërkua të përmendte lojtarët që kishte parë në një fushë futbolli.

Krahas Neymar dhe Kylian Mbappe, ai zgjodhi një lojtar tjetër – Messin, ku përshkroi gjeniun argjentinas si ‘lojtarin më të mirë në botë’.

“Messi, Mbappe, Neymar – kjo ishte disi magjepsëse [shtrëngimi i duarve për herë të parë para një ndeshjeje]”, ka thënë fillimisht Sancho.

“Mbappe është pranë meje në moshë, por atë që ai ka bërë, duhet ta respektoni. Fitoi Kupën e Botës në një moshë kaq të re, duhet t’ia heqim kapelën”.

“Ky është një lojtar i mrekullueshëm atje. Dhe padyshim Neymar, unë e shikoj atë. E shoh veten tek ai. Kam lidhje me atë që ai bën në fushë”.

“Dhe më pas Messi flet vetë. Lojtari më i mirë në botë”.

Por ai gjithashtu shtoi Ronaldinhon në listën e tij të idhujve, duke shtuar: “Jam rritur vetëm duke parë klipet e Ronaldinhos, ai ishte idhulli im. Ajo që ai bënte në fushë ishte thjesht e çmendur. Ai e bënte të dukej kaq e lehtë. Ai provoi gjëra të ndryshme dhe nuk u tremb”. /Telegrafi/