8 months ago
4
Sipas raportimeve që vijnë nga Anglia, Manchester United është duke synuar transferimin e tre top lojtarëve përpara afatit kalimtar të verës.
Ardhja e Sir Jim Ratcliffe si aksioner minoritar në 20 herë kampionët e Anglisë pritet të konfirmohet në mesin e këtij muaji, me klubin që tashmë planifikon afatin e ardhshëm të transferimeve.
Sipas ESPN, Djajtë e Kuq po përgatiten të synojnë lojtarët që po hyjnë në vitin e fundit të kontratave të tyre dhe situata e Joshua Kimmich, Jonathan David dhe Khephren Thuram po monitorohet.
Kontrata e Kimmich me Bayernin skadon në verën e vitit 2025 dhe aktualisht ka shumë spekulime rreth të ardhmes së gjermanit.
E ardhmja e David ka qenë gjithashtu temë e shumë spekulimeve, me reprezentuesin kanadez që ka më pak se 18 muaj të mbetur në kontratën e tij me Lille.
Ndërkohë, Thuram është një tjetër lojtar që thuhet se është në listën e ngushtë të klubit, me Nice që pritet ta ketë të vështirë ta mbajë atë përtej fundit të afatit kalimtar të kësaj vere.
Man United besohet të jetë i sigurt se synimi i lojtarëve në vitin e fundit të kontratave të tyre do t’i lejojë ata të kontrollojnë shpenzimet e tyre verore, veçanërisht nëse klubi nuk mund të sigurojë Champions League për sezonin 2024-25.
Djajtë e Kuq do të kërkojnë t’i afrohen katërshes më të mirë kur të shkojnë në Villa të dielën pasdite, me klubin që synon fitoren e katërt radhazi në të gjitha garat. /Telegrafi/
English (US) ·