Juventus udhëton me të gjitha forcat në “San Siro”, Allegri fton edhe blerjet e reja

Massimilano Allegri ka ftuar të gjithë ekipin e Juventusit për duelin ndaj Interit në “San Siro”, duke përfshirë edhe blerjet e reja si Carlos Alcaraz dhe Tiago Djalo, teksa mungesat e vetme janë Arek Milik dhe Moise Kean.

Ashtu siç e konfirmoi në konferencën për shtyp, Allegri do të ketë në dispozicion përsëri dyshen Federico Chiesa dhe Adrien Rabiot pas problemeve që kishin me lëndime, por mbetet të shihet nëse do ta nisin nga minuta e parë.

Milik u suspendua pas kartonit të kuq në barazimin 1-1 ndaj Empolit, ndërsa Kean është jashtë fushavë për shkak të një lëndimi i cili bëri që ai të dështojë në testet mjekësore me Atletico Madridin.

Tani ka ndryshime me përfshirjen e Alcaraz, i cili ka mbërritur në huazim me opsion blerje nga Southamptoni dhe ish-mbrojtësi i Lille, Tiago Djalo.

Ky i fundit ishte gjithashtu në bisedime konkrete me Interin dhe ishte shumë afër që t’i bashkohej “Nerazzurrëve” si lojtar i lirë në fund të sezonit.

Lojtarët e ftuar të Juventusit për këtë ndeshje:

1 Szczesny, 23 Pinsoglio, 36 Perin; 3 Bremer, 4 Gatti, 6 Danilo, 12 Alex Sandro, 24 Rugani, 33 Djaló; 5 Locatelli, 11 Kostic, 16 McKennie, 17 Iling-Junior, 20 Miretti, 22 Weah, 25 Rabiot, 26 Alcaraz, 27 Cambiaso, 41 Nicolussi Caviglia, 47 Nonge Boende; 7 Chiesa, 9 Vlahovic, 15 Yildiz.

La lista dei convocati per il 𝘿𝙚𝙧𝙗𝙮 𝙙’𝙄𝙩𝙖𝙡𝙞𝙖. 🇮🇹 📜⚪️⚫️ @zondacrypto #InterJuve pic.twitter.com/7LZwjYvoA7

— JuventusFC (@juventusfc) February 3, 2024