Juventusi mund ta largojë Allegrin para fundit të sezonit, madje që sot

Raportime të shumta në Itali konfirmojnë se Juventusi mund të shkarkojë Massimiliano Allegrin para fundit të sezonit, madje që sot (e enjte), pasi klubit nuk i pëlqeu mënyra se si u soll trajneri gjatë dhe pas ndeshjes me Atalantan, por edhe se ata do të ndryshojnë trajner në fund të sezonit. 

Sky Sport Italia dhe Fabrizio Romano konfirmojnë se gjigantët e Serie A mund të shkarkojnë taktikun italian para fundit të sezonit, ndoshta edhe sot.

Football Italia raportoi këtë mëngjes se trajneri italian mund të shkarkohet pas shpërthimeve të tij kundër drejtorëve të klubeve dhe redaktorit të Tuttosport mbrëmë në Romë.

🚨⚪️⚫️ Juventus and Massimiliano Allegri will part ways as he won’t be the manager next season, as planned since February.

The only detail to clarify is whether Juve decide to sack Allegri now or in 10 days.

↪️ Juventus priority candidate as new head coach remains Thiago Motta. pic.twitter.com/FUSZMFQ9kQ

— Fabrizio Romano (@FabrizioRomano) May 16, 2024

Pra, ende nuk dihet nëse Allegri do të jetë në krye të Juves në ndeshjen e ardhshme të Serie A kundër Bolognas të hënën.

Për ironi, trajneri i Bolognas, Thiago Motta, është kandidati kryesor për të marrë drejtimin e klubit ngaa “Allianz Stadium” sezonin e ardhshëm.

Drejtori i Juventusit, Giuntoli ka qenë në bisedime me përfaqësuesit e trajnerit prej disa kohësh dhe gjithsesi do ta shkarkonte Allegrin në fund të sezonit.

⚪️⚫️🆕 Juventus contract proposal to Thiago Motta to become their new head coach for next season is three year deal, valid until June 2027.

Thiago Motta did an excellent job as Bologna manager qualifying to UCL… and he will inform the club about his final decision soon. pic.twitter.com/BBzngnfPVk

— Fabrizio Romano (@FabrizioRomano) May 16, 2024

Megjithatë, sjellja e Allegrit gjatë finales së Kupës së Italisë kundër Atalantës mund të çojë në një vendim më të shpejtë nga Giuntoli dhe bordi.

Juventusi tashmë ka siguruar një vend në top pesëshen në Serie A, që do të thotë se ata do të luajnë në Ligën e Kampionëve sezonin e ardhshëm. /Telegrafi/