Katër vite pritje, Dortmundi tani me një veprim hakmarrës turpëron PSG-në në rrjetet sociale

Borussia Dortmundi u kualifikua në finale të Ligës së Kampionëve pasi mposhti me rezultat të përgjithshëm 2-0 Paris Saint-Germainin në gjysmëfinale.

Në ndeshjen e parë të luajtur në Gjermani kishte vendosur goli i shënuar nga Niclas Fullkrug, ndërsa në ndeshjen e dytë ishte goli i Mats Hummels ai i cili shuajti shpresat e parisienëve për të arritur finalen e dytë brenda katër viteve.

Që në fillim të ndeshjes u vërejtën tensionet në mes dy tifozerive të cilat ishin të pranishme në stadium.

Tifozët e PSG-së shfaqën një flamur gjigant të Borussia Dortmundit duke e djegur atë përballë syve të miliona shikuesve, gjest ky që padyshim i ka irrituar tifozët gjermanë.

Tastes like fine wine 🍷 https://t.co/lxnBFC4yPh

— Borussia Dortmund (@BlackYellow) May 7, 2024

Sidoqoftë, përgjigja e Dortmundit erdhi në një mënyrë tjetër, thënë më ndryshe përmes rrjeteve sociale.

Erling Haaland kishte shënuar gol ndaj PSG-së gjatë kohës sa ishte pjesë e Dortmundit duke bërë festimin e tij ikonik tashmë të njohur për tifozët e futbollit.

Por, pasi PSG-ja në fund e fitoi ndeshjen, në shenjë hakmarrje ndaj norvegjezit, i gjithë ekipi pozoi në fotografi imituar festimin e Haalandit.

Tani, sot katër vite pas asaj ndeshje, faqja zyrtare e Dortmundit në platformën X e rikujtoi postimin e PSG-së duke i përqeshur me mbishkrimin: Ka shije si një verë e mirë./Telegrafi/