Konfirmohen datat për afatin e transferimeve të verës 2024 dhe dimrit 2025

Liga Premier ka konfirmuar datat e afatit kalimtar për afatet e ardhshme kalimtare të verës 2024 dhe dimrit 2025.

Afati kalimtar veror do të hapet të premten më 14 qershor dhe do të mbyllet të premten në orën 23:00, më 30 gusht.

Ndërkohë, afati kalimtar i dimrit do të hapet të mërkurën më 1 janar 2025 dhe do të mbyllet në orën 23:00, të hënën më 3 shkurt 2025.

Next season's transfer window dates for your diary 📝

The closing dates were set following discussions with the EFL, DFL, Serie A, LaLiga, and LFP, who will all close their windows on 30 August and 3 February respectively too pic.twitter.com/qEYnFdzMb2

— Premier League (@premierleague) May 15, 2024

Për të siguruar harmonizimin me ligat kryesore në Evropë, datat e mbylljes u caktuan pas diskutimeve me EFL, DFL, Serie A, La Liga dhe LFP, të cilët të gjithë do të mbyllin afatet kalimtare verore dhe dimërore më 30 gusht dhe 3 shkurt respektivisht.

Me mbylljen e sezonit aktual, afati kalimtar i verës pritet të jetë shumë i zjarrtë pasi shumë klube kanë shprehur interesim për t’u përforcuar. /Telegrafi/