Kryemadhi zbuloi fletën e votimit/  “Gabim i rëndë, vota është e fshehtë”, Meta: Në mbrëmje te rruga e shpresës!

Në një komunikim të shkurtër për gazearët jashtë ambienteve të Pallatit të Kongreseve, ku po zhvillon prej disa orësh punimet Konventa e PL, Ilir Meta ka deklaruar se me përfundimin e eventit do t;i drejtohet banesës së Sali Berishës.

Meta u shpreh se në mbrëmje do të shkojë te “Rruga e Shpresës”, ashtu siç prej muajsh tanimë quhet nga ish-kryeministri Berisha dhe simpatizantët e tij rruga “Mustafa Matohiti” në kryeqytet, ku ndodhet edhe apartamenti i Berishës.

I pyetur në lidhje me votën e Monika Kryemadhit, deputetes së PL dhe njëherazi bashkëshortes së tij, Meta tha se ajo ka gabuar rëndë duke bërë publike votën e saj.

“Tek Bulevardi i shpresës në mbrëmje. Ka rregulla në shtëpinë e tjetrit, do respektohen rregullat e tyre. Gabim i rëndë që Kryemadhi deklaroi votën për mua hapur, vota është e fshehtë”, tha Meta.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb