Kuvendi i Kosovës, rezolutë për sulmin terrorist

Kosova kërkon hetim ndërkombëtar për Serbinë

Kuvendi i Kosovës ka miratuar një rezolutë me anë të së cilës ka dënuar sulmit terrorist të së dielës. Nëpërmjet kësaj rezolute Kuvendi bënë përgjegjëse Serbinë për sulmet në Banjskë të Zveçanit ndërsa kërkohet nga faktori ndërkombëtar që të ushtrojë ndikimin e tij për ta ballafaquar Serbinë me mbështetjen që i ka bërë këtij grupit terrorist, nga sulmet e të cilit ka vdekur një polic i Kosovës.

Vlerëson punën, angazhimin dhe rezultatet e jashtëzakonshme të institucioneve të sigurisë dhe të institucioneve partnere ndërkombëtare të sigurisë në aksionin e të dielës ndërsa inkurajon pluralizimin politik edhe më të madh në radhët e komuniteteve jo shumicë veçanërisht te komuniteti serb.

Në nisje të seancës kryeministri Albin Kurti ka kërkuar ekstradimin e sulmuesve që kanë ikur në Serbi. Përveç tyre, Kurti ka thënë se të gjithë sulmuesit tjerë ose janë vrarë, ose janë arrestuar. Nuk ka munguar as reagimi i partive opozitare. Të dielën, si pasojë e një sulmi terrorist të armatosur në Banjskë të Zveçanit u vra polici Afrim Bunjaku. Nga aksioni deri tash janë konfirmuar tre sulmues të vrarë.

Tv Klan

Të ngjashme