5 months ago
10
Real Madrid nuk planifikon të njoftojë nënshkrimin me Kylian Mbappe deri pas finales së Ligës së Kampionëve, sipas raportimeve në Spanjë.
Mbappe konfirmoi të premten mbrëma se do të largohet nga Paris Saint-Germain në fund të sezonit kur i skadon edhe kontrata, por nuk zbuloi se kush do të jetë klubi i tij i ardhshëm.
Madridi ka qenë në negociata me Mbappe për një lëvizje gjatë verës, por MARCA raporton se në Santiago Bernabeu nuk e konsiderojnë ende një formalitet nënshkrimin, jo vetëm sepse sulmuesi u tërhoq nga një transferim në 2022 dhe tronditi botën duke nënshkruar një kontratë të re me PSG.
Edhe nëse Madridi do të përfundojë një marrëveshje me Mbappe, ata nuk kanë ndërmend ta bëjnë publike marrëveshjen deri pas finales së Ligës së Kampionëve më 1 qershor, në mënyrë që të mos prishin përgatitjet e skuadrës.
Madridi tani do të përballet me Borussia Dortmundin në Wembley me një shans për të fituar Kupën e Europës.
Mbappe, ndërkohë, do të nderohet nga PSG në ndeshjen e tij të fundit në shtëpi në Parc des Princes të dielën kundër Toulouse. Les Parisiens e mbyll sezonin e Ligue 1 me udhëtime në Nice dhe Metz përpara se të përballet me Lyon në finalen e Coupe de France.
English (US) ·