10 months ago
9
Los Angeles Lakers mposhti Phoenix Suns me rezultat 106:103 për të kaluar në gjysmëfinalen e NBA In-Season Tournament – Play Offs apo siç njihet ndryshe si Kupa në NBA.
Ka qenë një ndeshje shumë interesante ku në fund ishin Lakers që falë përvojës e fituan.
LeBron James ka qenë fantastik në këtë duel me 31 pikë, tetë kërcime e 11 asistime, derisa Anthony Davis ishte i jashtëzakonshëm me 27 pikë e 15 kërcime.
Me lojë të mirë te vendasit u dallua edhe Austin Reaves me 20 pikë, ku realizoi një treshe vendimtare 15 sekonda para fundit të ndeshjes.
LeBron James shows up in the CLUTCH to give the @Lakers a ticket to the NBA In-Season Tournament Semifinals!
Anthony Davis: 27 PTS, 15 REB
Austin Reaves: 20 PTS, 6 REB pic.twitter.com/pRM7GVi80z
— NBA (@NBA) December 6, 2023
Kevin Durant me 31 pikë ishte më efikasi te skuadra mysafire, por që nuk mjaftuan për fitore.
Mbrëmë u luajt një tjetër ndeshje e çerekfinales së turneut “in-sezon”, në të cilën Milwaukee mundi New Yorkun me rezultat 146:122 falë 35 pikëve, 8 kërcimeve dhe 10 asistimeve të Giannis Antetokounmpo.
Kësisoj në gjysmëfinale Los Angeles Lakers përballet me New Orleans Pelicans, derisa në Lindje, Milwaukee Bucks ndeshet me Indiana Pacers. /Telegrafi/
English (US) ·