Nuk plotësoi pritshmëritë me përfaqësuesen e femrave
Trajnerja e kombëtares gjermane të femrave, Martina Vos-Teklenburg dha dorëheqjen e parevokueshme.
Bordi i drejtorëve të Federatës Gjermane të Futbollit që miratoi vendimin pas një mbledhjeje mes palëve të shtunën.
Përfaqësuesja gjermane e femrave mundi Marokun 6-0, por më pas barazoi 1-1 me Korenë e Jugut dhe u mund 2-1 nga Kolumbia, duke u eliminuar në Kupën e Botës që në fazën e grupeve.
Kjo solli zhgënjim, te tifozët dhe institucioni i futbollit, nisur nga fakti se përfaqësuesja gjermane është një nga kombëtaret më të forta në botë në futbollin e femrave.
Vos-Teklenburg udhëhoqi Gjermaninë deri në finalen e Euro2022, ku u mund nga Anglia.
Pas eventit ajo nuk ishte bashkuar me përfaqësuesen, ndërsa kishte kërkuar pushim për shkaqe shëndetësore.
Teknikja 55-vjeçare e mbante këtë detyrë prej 5 vitesh.
Klan News
Të ngjashme