11 months ago
83
Live Zvicër-Kosovë
LIVE: Kosova luan në udhëtim te Zvicra
Përfaqësuesja e Kosovës do të luajë sot (e shtunë) në udhëtim ndaj Zvicrës në kuadër të ndeshjeve kualifikuese për Euro 2024.
Dardanët janë mysafir të Helvetikëve në takimin e raundit të nëntë të vlefshëm për Grupin I. Ky takim pritet të zhvillohet në stadiumin “St. Jakob-Park” të Baselit me fillim nga ora 20:45.
Ekipi i përzgjedhësit Primoz Gliha vjen në këtë ndeshje pas fitores ndaj Izraelit dhe synon rezultat pozitiv edhe nga ky udhëtim i vështirë.
Megjithatë, gjithçka do të jetë shumë e vështirë, pasi përveç mungesave të ditura tashmë e disa ditë, atyre i janë shtuar edhe Arijanet Muric, Milot Rashica dhe Ermal Krasniqi.
Mungesat tjera janë: Amir Rrahmani, Edon Zhegrova dhe Vedat Muriqi.
Në anën tjetër, vendasit e Murat Yakin kanë barazuar me Izraelin dhe duan t’i kthehen fitoreve për të siguruar kualifikimin, pas çdo rezultat tjetër do t’i linte në garë për një vend.
Para 1 min
Formacioni i mundshëm i Kosovës ndaj Zvicrës – Gliha me shumë ndryshime të detyrueshme
Përzgjedhësi i Përfaqësueses së Kosovës, Primoz Gliha ka ndarë mendjen për formacionin “anti-Zvicër” në ndeshjen e sotme (e shtunë) mbrëma.
Përfaqësuesja e Kosovës do të luajë sot (e shtunë) në udhëtim ndaj Zvicrës në kuadër të ndeshjeve kualifikuese të Grupit I për Euro 2024, e cila pritet të zhvillohet në stadiumin “St. Jakob-Park” të Baselit me fillim nga ora 20:45.
Ekipi i përzgjedhësit Primoz Gliha vjen në këtë ndeshje pas fitores ndaj Izraelit dhe synon rezultat pozitiv edhe nga ky udhëtim i vështirë.
Megjithatë, Dardanët do ta kenë shumë të vështirë shkaku i mungesave të shumta, të cilave edhe sot iu kanë shtuar tre sosh, ndër ta Arijanet Muric, Milot Rashica dhe Ermal Krasniqi.
Para 6 min
Konfirmohen tri mungesa të rëndësishme të Kosovës kundër Zvicrës
Stafi i ekipit Përfaqësues të Kosovës ka njoftuar opinionin dhe tifozët se për shkak të lëndimeve dhe gjendjes me grip, tre lojtarë do të mungojnë në ndeshjen e sotme kundër Zvicrës.
Para 11 min
Gliha thyen heshtjen për Zhegrovën dhe mungesën e tij në këtë tubim
Përzgjedhësi i Kosovës, Primozh Gliha, ka folur për herë të parë rreth situatës së Edon Zhegrova te “Dardanët”.
Gliha ka thënë se nuk ka qenë vendimi i tij për të mos e ftuar Zhegrovën për ndeshjet e muajit nëntor.
Para 16 min
Hadërgjonaj: Ndeshje speciale për mua, shpresoj t’i gëzojmë të pranishmit në stadium me fitore
Mbrojtësi i Kosovës, Florent Hadërgjonaj, shpreson në fitore ndaj Zvicrës, pasi një fitore do t’i gëzonte të gjithë, në veçanti ata që do të jenë në tribunat e stadiumit për t’i përkrahur “Dardanët”.
Hadërgjonaj, i cili ka lindur dhe është rritur në Zvicër, pranoi se kjo përballje do të jetë speciale dhe se nuk do ta harrojë kurrë.
Para 21 min
Gliha për ndeshjen ndaj Zvicrës: Do të jetë një ndeshje e vështirë, duam të marrim sa më shumë pikë
Përzgjedhësi i Kosovës, Primozh Gliha, e ka vlerësuar si tejet të vështirë ndeshjen ndaj Zvicrës, por ai ka shtuar se “Dardanët” do të dalin në fushë për rezultat pozitiv.
Në konferencën për shtyp të mbajtur të premten mbrëma, Gliha ka thënë se janë përgatitur për ndeshje duke marr parasysh se Zvicra është ekip i fortë.
Para 26 min
Yakin flet para përballjes me Kosovën: Kam një skuadër të fortë, mund të dominojmë ndeshjen
Trajneri i Kombëtares së Zvicrës, Murat Yakin ka folur para ndeshjes së nesërme kundër Kosovës.
Yakin tha fillimisht se ka një skuadër të fortë me të cilën mund ta dominojë ndeshjen kundër Kosovës nëse luajnë në të njëjtën mënyrë si ndaj Izraelit.
Para 31 min
Xherdan Shaqiri thotë se nuk do të festojë nëse shënon ndaj Kosovës
Përfaqësuesja e Kosovës do të zhvillojë nesër (e shtunë) ndeshjen e radhës në kuadër të kualifikimeve për Kampionatin Evropian “Euro 2024”.
“Dardanët” do të luajnë në udhëtim ndaj Zvicrës në sfidën që do të zhvillohet në “St. Jakob-Park” në qytetin e Bazelit.
I pranishëm në konferencën për shtyp të Kombëtares së Zvicrës së bashku me trajnerin Murat Yakin para ndeshjes së nesërme, ishte edhe Xherdan Shaqiri.
Shaqiri u pyet nese do të festojë në rast se shënon gol ndaj Kosovës dhe për këtë ai pati një përgjigje.
English (US) ·