10 months ago
28
Ministri i Brendshëm, Taulant Balla, njoftoi ashpërsimin e masave për një reagim më të shpejtë ndaj dhunës me bazë gjinore apo dhunës ndaj minorenëve.
Pas rastit në Divjakë, ku një 14-vjeçare ishte martuar me një 35-vjeçar, Balla tha se ende nuk ka një koordinim të mirë institucional dhe shoqëror, për të reaguar dhe ndaluar në kohë këto ngjarje.
“Nuk është e mjaftueshme që vetëm policia të bëjë punën e vetë, ne, shoqëria në radhe të parë duhet të krijojmë një aleance me të gjitha strukturat shtetërore për të parandaluar të gjitha format e dhunës”.
Ministri tha se do të marrë rëndësi edhe fenomeni i armëmbajtjes pa leje, që është një shkelje e rëndë.
Këto deklarata, ministri i Brendshëm i bëri nga qyteti i Fierit, ku si drejtues politik i qarkut pati një takim me drejtues të strukturave të Partisë Socialiste në këtë qark.
Top Channel
English (US) ·