1 year ago
20
Shefi i Organizimit të Berishës, Klevis Balliu ka komentuar deklaratën e presidentit francez Emmanuel Macron për pezullimin e vizave për Kosovën, duke u shprehur se ai “mbrojti Serbinë në mes të Tiranës duke kërcënuar Kosovën”.
Në një postim në rrjetin social Facebook, Balliu e quan Macronin si mysafirin që përmbysi kupën e popullit mikpritës.
Ndër të tjera ai shkruan se qeveria shqiptare dhe politika e saj e jashtme dhe kombëtare duhet të jenë të ndërgjegjshëm se mbrojtësi më i madh në BE i qëndrimeve Serbe është Franca.
Postimi i plotë:
Macroni, mysafiri që përmbysi kupën e popullit mikpritës
Presidenti Francez në vijim të traditës shekullore të shtetit të tij e mbrojti Serbinë në mes të Tiranës duke kërcënuar Kosovën me bllokim të vizave integruese në Evropë. Kjo u bë në kryeqytetin e kombit shqiptar, ku një President Amerikan George Ë Bush dha pavarsinë e Kosovës. Kjo është një diferencë dramatike. Qeveria shqiptare dhe politika e saj e jashtme dhe politika kombëtare duhet të jenë të ndërgjegjshëm se mbrojtësi më i madh në BE i qëndrimeve Serbe është Franca. Pavarësisht nga antarësia në NATO ajo nuk e pengon veten të furnizojë me armë Serbinë dhe të krijojë në çdo tryezë diplomatike aspektin sentimental ndaj Serbisë.
Nuk duhet të ketë një shqiptar të vetëm kudo që ndodhet të mos e di dhe vlerësojë këtë raport politik historik të Francës me Serbinë deri tek Rusia. Është një inventar i gjatë datash të tmerrit shqiptar nga qëndrimet franko sllave dhe prandaj Rama është ky shërbëtor i bindur i Vuçiçit,mos kërkoni burim tjetër të së vërtetës.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·