Minnesota të pandalshëm, marrin edhe fitoren e dytë ndaj Nuggets

Minnesota Timberwolves ka marrë fitoren e dytë në serinë gjysmëfinale të Konferencës Perëndimore në Play-Off të NBA.

Timberwolves ka marrë një fitore të thellë në udhëtim me 26 pikë diferencë 106:80.

Anthony Edwards dhe Karl-Anthony Towns shënuan secili nga 27 pikë për t’i dhënë fitoren e dytë dhe epërsinë e madhe 2-0 skuadrës së tyre.

Në anën tjetër, Nikola Jokic e mbylli ndeshjen me 16 pikë, 16 kërcime dhe 8 asistime, ndërsa Aaron Gordon shënoi 20 pikë për vendasit, por që nuk mjaftuan për ta shmangur humbjen.

The @nyknicks win Game 1 and the @Timberwolves go up 2-0!#NBAPlayoffs presented by Google Pixel continue Tuesday on ESPN. pic.twitter.com/LQX8UxhxVA

— NBA (@NBA) May 7, 2024

Dy ndeshjet e ardhshme luhen në Minneapolis dhe Minesota do të ketë shansin për të kryer këtë seri nëse i fitojnë dy ndeshjet dhe të shkojnë në finale të Konferencës së Perëndimit.

Mbrëmë u zhvillua ndeshja e parë e serisë së raundit të dytë të Konferencës Lindore mes New York Knicks dhe Indiana Pacers, ku vendasit fituan 121:117.

New York u drejtua drejt fitores nga ylli i tyre Jalen Brunson me plot 43 pikë, ndërsa në krahun tjetër më i mirë se të tjerët ishte Myles Turner me 23 pikë.

Tani Knicks janë në epërsi 1-0 ndaj Pacers. /Telegrafi/