“Ndarja klasore mes nesh është e frikshme”, Rama në Samitin e Procesit të Berlinit: Të ngushtojmë hendeqet para se…

Kryeministri Edi Rama ka mbajtur fjalën e tij hapëse gjatë punimeve të Procesit të Samitit të Berlinit.

Rama është shprehur se kombinimi i frymës së përbashkët mes vendeve të rajonit është një arritje e madhe për nismën e Procesit të Berlinit, edhe pse synimet e këtij procesi nuk janë arritur plotësisht.

Sipas tij Shqipëria ka luajtur rolin e saj për heqjen e tarifave dhe çështje të tjera, por procesi është penguar nga çështje afatgjata midis disa vendeve të rajonit.

Ai shtoi se ndarja klasore në “shtëpinë e Europës” është “e frikshme” sa i përket të ardhurave, ndërsa shtoi se duhet të punohet për ngushtimin e hendeqeve ekzistuese para se Europa të dëmtohet.

“Kombinimi në frymën e rajonit është arritje e madhe për nismën e Procesit të Berlinit. Synimet megjithatë nuk janë arritur plotësisht. Merkel tha se demokracia pa infrastrukturë nuk mund të funksionojë si duhet. Komisioneri Varhelyi na ka shkundur të gjithëve duke na drejtuar dhe tani po ndërmarrim hapa për të vijuar më tej.

Shqipëria ka luajtur rolin e saj, por përpjekjet për heqjen e tarifave dhe të tjera, Procesi është penguar nga çështje afatgjata midis disa vendeve të rajonit. Për të folur mbi këtë fqinjët tanë të BE kanë marrë mbi 4500 euro për frymë, ndërsa vendet tona marrin 138 euro për frymë. Këto janë dëshmi e ndarjes së frikshme klasore që ka thelluar ndarjen në shtëpinë e Evropës.

Nuk po kërkoj fitime të pabarabarta për vendet jo anëtare. Ajo që po them është se në peizazhin që po zhvillohet shpejt në kohën e sotme, ne duhet të eksplorojmë rrugë të reja për të ngushtuar hendeqet ekzistuese dhe të merremi me këtë ndasi para se të dëmtojmë Europën nga brenda”, u shpreh ai ndër të tjera.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb