“Nëse nuk e respektoni, nuk mund të stërviteni” – ish futbollisti francez zbuloi rregullin që futbollistët e Man Cityt nuk mund ta thyejnë me Guardiolan

Ish-futbollisti francez Gael Clichy zbuloi disa fakte interesante rreth Manchester Cityt dhe trajnerit të tyre Pep Guardiola.

Ai tregoi se trajneri i skuadrës më të mirë evropiane dhe botërore është shumë kërkues dhe disa nga rregullat e tij kërkuese duhen respektuar me përpikëri.

“Nëse do të shfaqeshit dy kilogramë më të rëndë se sa ai mendonte se ishte pesha juaj maksimale, ai nuk do t’ju linte të stërviteni”, tregon Clichy.

Ai theksoi se ky rregull është standard pothuajse në të gjitha klubet e Ligës Premier, por se ndonjëherë “fshihet nën tapet” ky rregull kur bëhet fjalë për një lojtar të rëndësishëm.

“Është pak a shumë standardi në të gjitha klubet e Ligës Premier, por nëse një lojtar është i rëndësishëm për ekipin, rregulli shpesh mund të ‘fshihet nën tapet’, por jo me Guardiolan”.

“Me të, nuk ka rregulla që përjashtohen. Nëse je dy kilogramë mbi normën e lejuar, nuk stërvitesh. Unë njoh lojtarë që nuk kanë stërvitur me të për dy javë në të njëjtën kohë,” deklaroi francezi.

Clichy aktualisht është 38 vjeç dhe punon si asistent në kombëtaren e të rinjve të Francës, ndërsa në vitin 2017 u largua nga Man City.

“Do të kisha dashur të kisha punuar nën drejtimin e tij për më shumë se vetëm një sezon. Do të kisha mësuar edhe më shumë,” përfundoi ai. /Telegrafi/