Novak Djokovic turpërohet nga tenisti i 32-të në botë – eliminohet nga Open Italia

Novak Djokovic është turpëruar nga Alejandro Tabilo teksa u eliminua nga Open Italian. Tenisti u mposht me rezultatin 6-2, 6-3 nga kiliani në një përmbysje të madhe.

Kanë qenë disa ditë frustruese për tenistin kontrovers në Romë. Ai u godit aksidentalisht në kokë nga një shishe uji nga një tifoz pas fitores së tij 6-3 6-1 ndaj Corentin Moutet në raundin e dytë përpara se të eliminohej nga turneu vetëm 48 orë më vonë.

Djokovic ishte i paaftë përballë Tabilo, me këtë të fundit që tregoi një shfaqje impresionuese dhe la të gjithë të pranishmit gojëhapur.

Serbi u mundua nga fillimi, me shërbimin e tij jashtëzakonisht të dobët. Ai e lejoi Tabilon të tregonte më të mirën e tij dhe të kalonte tutje.

Pasi fitoi setin e parë në mënyrë të bujshme, numri 32 i botës nuk tregoi shenja lëkundjeje dhe theu Djokovicin në setin e dytë, përpara se të vazhdonte me trimëri për të siguruar fitoren më të madhe të karrierës së tij deri tani. /Telegrafi/