Operacioni ku u arrestua Breçani/ Ja kush janë dy vëllezërit që do vriteshin nga grupi kriminal (FOTO)

Vëllezërit Albert dhe Edmond Nela ishin në shënjester për tu ekzekutuar nga anëtarët e grupit kriminal. Sipas hetimeve ka rezultuar se Bujar Gërmizi, që është vënë në pranga si dhe Ismail Zeneli, që është shpallur në kërkim, kanë  bashkëpunuar me shefin e Krimeve të  komisariatin nr. 6, Dedan Gjonin për  të vrarë 2 vëllezërit  që  jetojnë në Angli.

Për vrasjen e tyre, Gërmizi dhe Zeneli informoheshin nga Jonida Babameta, e cila ka punuar në Interpol dhe u ka dhënë dy personave të mësipërm informacione për të kryer vrasjen.

Ndaj Babametës është vendosur masa e sigurisë detyrim paraqitje, ndërsa operacioni i nisur pak ditë më parë është shtrirë edhe në Spanjë, pasi dyshohet se disa persona të shpallur në kërkim jetojnë atje.

Këto detaje u zbuluan nga disa komunikime nga aplikacioni SKY ECC, i cili çoi në pranga edhe ish zyrtarin e lartë të policisë Erzen Breçani.