Orkestra e të Rinjve të Ballkanit Perëndimor rikthehet në Durrës, 66 instrumentistë nga Evropa performojnë në skenën e teatrit “Aleksandër Moisiu”

2 months ago 7

66 instrumentistët nga 17 vendet e ndryshme të Evropës kanë performuar mbrëmjen e së premtes në skenën e teatrit “Aleksandër Moisiu “, nën drejtimin e dirigjentit, Desar Sulejmani. Duke e cilësuar si një sfidë, Maestro Sulejmani thotë ndër të tjera se dëshira është ta kthejnë në traditë këtë aktivitet.

Edhe për instrumentistët rrugëtimi nuk ka qenë i lehtë. Megjithëse është hera e parë që marrin pjesë në këtë koncert janë të bindur se do t’ia dalin, pasi muzika i ka bërë bashkë, pavarësisht vendeve që përfaqësojnë.

Ndërthurja e muzikës klasike me atë moderne ishte e veçanta e këtij koncerti, që edhe këtë vit u mirëprit nga artdashësit durrsakë që mbushën sallën e teatrit “Aleksandër Moisiu ” mbrëmjen e së premtes.