Pique njoftoi rikthimin në futboll, por a do ta përmbush premtimin që e kishte dhënë gjatë lamtumirës?

Futbollisti legjendar spanjoll Gerard Pique ka njoftuar rikthimin e tij në këtë sport me një postim në rrjetet sociale dhe ka befasuar fansat e tij.

Pique ka bërë të ditur se në fillim të vitit 2024 ka vendosur t’i rikthehet futbollit, jo si lojtar por si trajner.

“Është një vit i ri dhe pas shumë mendimeve kam vendosur t’i rikthehem futbollit. Më mungon shumë. Këtë herë nuk do të jetë si lojtar, do të jetë si trajner. Do të ndaj më shumë detaje në fund të javës”, ka shkruar Pique.

🚨🗣️ Gerard Piqué: "It's a new year and after thinking carefully I have decided to return to football. I miss it a lot."

This time it won't be as a player. It will be as a coach. I'll share more details at the end of the week." pic.twitter.com/wtoCPfe82m

— Managing Barça (@ManagingBarca) January 9, 2024

Sigurisht, shumica prej tyre supozojnë se Pique do ta marrë vendin e punës në Barcelonë, edhe pse shoku i tij Xavi është në krye. Pique luajti për 14 vite të gjata dhe të lavdishme, pasi mbërriti nga Manchester United në 2008.

Me Barcelonën, Pique fitoi 30 trofe, duke përfshirë nëntë tituj të ligës spanjolle dhe tre Liga të Kampionëve. Me Spanjën, ai fitoi Kampionatin Botëror (2010) dhe Kampionatin Evropian (2012).

Pique i dha fund karrierës së tij si lojtar në fillim të vitit 2023, pesë muaj pas ndarjes me Shakira, dhe në ndeshjen e fundit me fanellën e Barçës, ai njoftoi se do të kthehej në Camp Nou dhe bëri një premtim për tifozët.

🚨✅ 𝐎𝐅𝐅𝐈𝐂𝐈𝐀𝐋: Gerard Piqué has announced that he will become a coach! pic.twitter.com/ow46MvjXB9

— Managing Barça (@ManagingBarca) January 9, 2024

“Jam i bindur se do të jem këtu përsëri në të ardhmen. Unë e dua Barçën. Kjo është arsyeja pse mendoj se është momenti i duhur për t’u larguar. Kjo nuk është lamtumirë. Unë kam lindur këtu, do të vdes këtu”, kishte shkruar Pique./Telegrafi/