Po mbante fjalim në Busan, lideri i opozitës në Korenë e Jugut goditet më thikë

Udhëheqësi i opozitës së Koresë së Jugut është goditur me thikë gjatë një konference që ai po mbante në qytetin e Busanit.

Sipas agjencisë së lajmet Yonhap, Lee Jae-Myung u godit me thikë në anën e majtë të qafës. Ndërkohë autori i kësaj ngjarjeje është arrestuar. Lideri i opozitës është dërguar në spital ku edhe po merr trajtim mjekësor.

Politikani 59-vjeçar drejton Partinë Demokratike të Koresë. Ai nuk është aktualisht një anëtar i legjislaturës së Koresë së Jugut, por pritet të kandidojë për një vend në zgjedhjet e ardhshme të përgjithshme, të cilat do të mbahen në prill 2024.

Në zgjedhjet presidenciale të 2022, ai humbi me 0.73% të votave ndaj aktualit Presidenti Yoon Suk Yeol. Ai pritet të kandidojë në zgjedhjet e ardhshme presidenciale në 2027.

South Korean opposition leader is attacked and injured by an unidentified man, officials say https://t.co/eu7nKsB86V

— WRAL NEWS in NC (@WRAL) January 2, 2024