Rreziku nga përmbytjet në qarkun Shkodër/ Komisioni i Mbrojtjes Civile takim në Prefekturë, çfarë u bisedua

Rreziku nga përmbytjet në qarkun e Shkodrës nga reshjet e shiut si dhe problemet që mund të sjellin reshjet e borës dhe ngricat ishin në fokus të një takimi të Komisionit të Mbrojtjes Civile në Prefekturën e Qarkut Shkodër. Prefektja Majlinda Angoni kërkoi më shumë vëmendje nga bashkitë dhe gjitha institucionet e tjera për të parandaluar përmbytjet.

Gazetari Senad Nikshiqi raporton për Balkanëeb se shefi i emergjencave civile në Prefekturë Pëllumb Dani tregoi disa prej problematikave që kërkojnë ndërhyrje të menjëhershme sa i përket masave parandaluese ndaj përmbytjeve.

Ndërkohë zëvendës kryetari i bashkisë Shkodër Onid Bejleri dhe kreu i bashkisë Vau Dejës Kristjan Shkreli treguan për masat që po merren dhe nevojat që kanë për parandalimin e përmbytjeve.

Gjatë këtij takimi u fol edhe për situatën e zjarreve gjatë muajve të verës, ku numri ka qenë më i lartë se vitet e kaluara por edhe arrestimet e zjarrvënësve kanë qenë më të shumta.

Shkodra mbetet një qark gjithnjë i rrezikuar nga përmbytjet apo zjarret, ndaj edhe kërkohet që masat të merren në kohë, në mënyrë që dëmet në raste emergjencash të jenë sa më të pakta.

(balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb