10 months ago
47
Në konferencë për shtyp të Borussia Dortmundit ka ndodhur një skenë shumë e pakëndshme pasi gazetarët e kanë pyetur trajnerin Edin Terziq për incidentin me kolegun e tij nga stafi Slaven Stanic.
Trajneri nga Bosnja dhe Hercegovina është përgjigjur në pyetjet e gazetarëve, e më pas gazetari i Bild ka bërë një pyetje të pakëndshme të cilës Terziq as nuk i është përgjigjur.
Më parë, Bild zbuloi ekskluzivisht se kishte tensione të mëdha brenda dhomës së zhveshjes së Dortmundit. Koordinatori sportiv Slaven Stanic e kritikoi Terziqin dhe e ofendoi keq.
Presidenti Hans-Joachim Watzke dhe këshilltari i tij Mathias Sammer ishin në anën e Terziqit gjatë kësaj afere. Pas pak kohësh, mediat gjermane hasën në deklarata të Dortmundit, por edhe të vetë Slaven Stanicit, të cilat konfirmojnë se serbi tashmë është ish-anëtar i klubit.
Gazetari i Bild e pyeti Terziqin nëse ishte e vërtetë që Staniqi do të pushohej së shpejti nga puna dhe i kërkoi që të njoftonte incidentin. Trajneri i Dortmundit nuk u deklarua pasi fjalën e mori zëdhënësi i klubit Sven Westerschulze.
“Përderisa jemi në konferencën për media kushtuar ndeshjes, do të merremi vetëm me pyetje që kanë të bëjnë me ndeshjen. Këtu po flasim për gjendjen e ekipit të futbollit dhe nuk do të flasim për të gjitha temat e tjera”, deklaroi Westerschulze.
Ndërkohë, vetë Stanic ka folur dhe i ka uruar fat ish-klubit të tij në të ardhmen, duke konfirmuar kështu se ka pasur mosmarrëveshje.
Thuhet se Stanic filloi të kritikonte Terziqin në fillim të sezonit dhe në barazimin e skuadrës së tij ndaj Milanit (0-0) në Ligën e Kampionëve, por në fund ai nuk arriti t’i “ekzorciojë” qëllimet e tij sepse Terzic ka mbështetjen e plotë të klubit. /Telegrafi/
Am Montag hatte Sky noch exklusiv über den bevorstehenden Rauswurf von Sportkoordinator Slaven Stanic berichtet, tags darauf hat der BVB gehandelt und sich von Stanic getrennt. #skybuli pic.twitter.com/pySLuFemWU
— Sky Sport (@SkySportDE) December 5, 2023
English (US) ·