Sherr i dhunshëm në Vlorë, dy vëllezërit konfliktohen me dy të tjerë, shoqërohen në polici

Një konflikt i dhunshëm ka ndodhur mesditën e sotme në qytetin e Vlorës ku dy vëllezër janë konfliktuar me dy vëllezër të tjerë për motive të dobëta.

Njoftimi i policisë:

Vlorë/Informacion paraprak

Sot, rreth orës 14:40, në lagjen “Hajro Çakërri”, pranë xhamisë, shtetasit E. K., 36 vjeç, dhe A. Zh., 26 vjeç (vëllezër), dyshohen se për motive të dobëta, janë konfliktuar fizkisht, me shtetasit A. J., 26 vjeç dhe A. J., 23 vjeç (vëllezër).

Si pasojë e konfliktit shtetasi E. K dhe A. Zh, janë dëmtuar lehtë dhe pas ndihmës mjekësore janë shoqëruar në Komisariat së bashku me palën tjetër të përfshirë në konflikt, për veprime të mëtejshme.

Vijon puna për sqarimin e plotë të rrethanave të ngjarjes.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb