Shpërbëhet republika e Nagorno-Karabakut

Numri i armëve etnike që janë larguar tani është rritur në më shumë se 68,300

Republika separatiste Nagorno-Karabak do të pushojë së ekzistuari dhe popullsia e mbetur armene etnike do të duhet të pranojë të sundohet si pjesë e Azerbajxhanit.

Presidenti i vetëshpallur i Nagorno-Karabakut, Samvel Shahramanyan, ka nënshkruar një dekret për shpërbërjen e të gjitha institucioneve shtetërore nga 1 Janari 2024. Në mesazh thuhet se popullata vendase tani duhet të familjarizohet me kushtet e riintegrimit të paraqitura nga Republika e Azerbajxhanit.

Vendimi për shpërbërjen e shtetit sipas presidentit të Nagorno-Karabakut është bazuar në garantimin e sigurisë dhe interesave jetike të njerëzve. Kryeministri i Armenisë, Nikol Pashinyan ka deklaruar se pret që në ditët në vijim nuk do të ketë asnjë armen në Nagorno-Karabakh.

Që kur Azerbajxhani rihapi të dielën e kaluar rrugën e vetme që lidh Nagorno-Karabakun me Armeninë, më shumë se 68 mijë njerëz janë larguar nga shtëpitë e tyre. Radhë të gjata autobusësh, kamionësh dhe makinash janë krijuar në kufi, ku shumë prej tyre kalojnë më shumë se 24 orë në automjetet e tyre në pritje për t’u larguar. 

Autoritetet armene janë të bindura se mund të përballojnë numrin në rritje të njerëzve që ikin nga rajoni.  Në qytetin e Gorisit, pranë kufirit, përpjekjet për ndihma po intensifikohen. Hotelet vendase janë plot, duke ofruar dhoma falas për refugjatët.

Eksodi masiv vjen pasi Azerbajxhani nisi një ofensivë ushtarake për të pushtuar rajonin e shkëputur të martën e kaluar. Qeveritë perëndimore i kanë bërë presion Azerbajxhanit që të lejojë vëzhguesit ndërkombëtarë në Karabak për të monitoruar trajtimin e tij ndaj popullsisë vendase, por qasja ende nuk është dhënë.

Klan News

Të ngjashme