1 year ago
12
Gara për një vend në Europian bëhet më e fortë
Shqipëria u largua me 1 pikë nga Çekia pas barazimit 1-1 të enjten në Pragë dhe tani gara në kualifikueset e Euro 2024 bëhet akoma më e fortë. Kuqezinjtë mbrojtën vendin e dytë, 1 pikë larg çekëve kryesues, por kanë pas Poloninë dhe Moldavinë kur janë zhvilluar gjysma e ndeshjeve në Grupin E.
Sylvinho e nisi me të njëjtin formacion si në takimin me Ishujt Faroe. Ndeshja nisi me ritëm madje dhe me përpjekjet e Shqipërisë për të krijuar aksione, por rreziku i parë erdhi nga Çekia. Vendasit iu afruan golit me rastet e tyre. Kuqezinjtë u zunë në pozicion jashtë loje në më tepër se një episode, ndërsa mundësitë e shfaqura, por nuk godit porta.
Më minutën e 30’ Bajrami u pengua në brenda zonës, por pavarësisht protestave edhe të trajnerit Sylvinho nuk u vlerësua si penallti. Me fillimin e pjesës së dytë çekët shënuan, por goli u anulua për shkak të pozicionit jashtë loje. Në të 56’ përpjekjet e vendasve u konkretizuan me Cerny, i cili realizoi, por gjithsesi edhe në rast u desh konsultimi me sistemin VAR që të vlerësohej i rregullt. Sulmuesi i çekëve shfrytëzoi pakujdesinë e mbrojtjes kuqezi. Sylvinho aktivizoi Dakun debutues në vend të Cikalleshit.
Reagimi i Shqipërisë erdhi në të 66’, ku Nedim Bajrami realizoi një gol të jashtëzakonshëm në goditjen e parë në pasqyrën e portës për Kuqezinjtë, pas pasimit të Jasir Asanit. Të dy kanë qenë protagonistë me golat e tyre në ndeshjet e fundit. Stafi teknik për të rifreskuar ekipin përfshiu në lojë debutuesin tjetër Mujën në vend të Asanit dhe Baren, i cili mori pozicionin e Asllanit. Në të 74’ Berisha shpëtoi një gol të sigurtë.
Të dy ekipet edhe pse u përpoqën nuk arritën të shënonin gola të tjerë, ndërsa pati edhe minuta për Gjasulën dhe Uzunin. Fitorja 2-0 e Polonisë ndaj Ishujve Faroe e bën akoma më të rëndësishme takimin e 10 Shtatorit në Tiranë, ku fitorja do t’i jepte një shtysë Shqipërisë drejt finaleve të Euro 2024. Edhe këtë ndeshje do ta ndiqni si zakonisht në Tv Klan.
Tv Klan
Të ngjashme
English (US) ·