Shuplaka që Bellingham i dha Endrickut pas ndeshjes me Brazilin është bërë virale në internet

Jude Bellingham e uroi bashkëlojtarin e tij në ardhje tek Real Madridi, Endrick, me një shuplakë lozonjare në fytyrë, pas golit që adoleshenti shënoi për t’i dhënë fitoren Brazilit ndaj Anglisë.

17-vjeçari u fut në lojë nga banka rezervë në minutën e 71-të dhe nuk mori shumë kohë për të lënë gjurmët e tij në këtë sfidë.

Teksa kishin mbetur vetëm 10 minuta pa përfunduar koha e rregullt e takimit, ylli brazilian shfrytëzoi topin e kthyer në zonë pas pritjes së Jordan Pickford për të shënuar golin që i dha fitoren në fund Brazilit.

Endrick mund të kishte shënuar edhe golin e tij të dytë personal në këtë takim pas një kundërsulmi të Brazilit, por atë ia mohoi Pickford me një super pritje.

Jude Bellingham, Vinicius, Rodrygo having fun with Endrick after the game. I've been smiling through this video.

One Family 😍🇧🇷🏴󠁧󠁢󠁥󠁮󠁧󠁿⭐pic.twitter.com/qfqRfUwxQ0

— 𝙺𝙾𝙱𝙸_𝚃𝙹𝙰𝚈𝚈🇨🇦🦅 (@ObiaaBewu) March 24, 2024

Me golin e tij të parë për Brazilin në shtëpinë e Anglisë, Endrick është bërë lojtari më i ri ndonjëherë që shënon në ‘Wembley’.

Në kryeqytetin spanjoll ai pritet të formojë një treshe të frikshme në sulm së bashku me bashkëkombasit e tij Vinicius Jr dhe Rodrygo, ku natyrisht nuk do të mungojë as mbështetja e Bellingham.

Me të përfunduar ndeshja Bellingham iu afrua Endrickut, duke i dhënë atij një shuplakë në fytyrë para se t’i dhurojnë njëri-tjetrit një përqafim të ngrohtë./Telegrafi/

Endrick x Jude Bellingham ⭐️⭐️ pic.twitter.com/V3ZJGmRIB7

— Madrid Zone (@theMadridZone) March 24, 2024