Skena të çmendura kur mijëra tifozë të St Pauli futen fushën ndërsa klubi gjerman vulosi rikthimin në Bundesligë

Kishte skena të pabesueshme në Hamburg të dielën kur klubi gjerman St Pauli u rikthye në Bundesligë për herë të parë në 13 vjet.

Tifozët u panë të rreshtuar në rrugë përpara ndeshjes, dhe më pas u vërshuan në fushë brenda disa sekondash nga vërshëllima e fundit që sinjalizoi rikthimin e tyre në elitën e futbollit gjerman.

St. Pauli trumfoi 3-1 ndaj VfL Osnabruck në Millerntor Stadion për të siguruar promovimin.

Por, festa filloi shumë përpara se lojtarët e skuadrës të shkelnin në fushë të dielën, pasi rreth 5000 tifozë u mblodhën në rrugët që të çojnë në stadium para fillimit.

Flamujt dhe pankartat u valëvitën, tymi po dilte nga fishekzjarrët e ndezur dhe zhurma e mijëra tifozëve që u bashkuan për brohoritjet e “St Pauli” u dëgjuan në rrethin e Hamburgut.

Duke pasur parasysh se ata ishin përballë një skuadre që ishte në fund të tabelës dhe tashmë e rënë në ligën e dytë, me Osnabruck që kishte fituar vetëm pesë ndeshje gjatë gjithë sezonit, tifozët e St Pauli ishin mjaft të sigurt se të paktën do të merrnin pikën që u duhej për të siguruar promovimin.

Dhe atmosfera e tifozëve u përhap shpejt nga rrugët në tribuna, me mbështetësit që më pas vendosën të futen edhe në fushë me t’u kryer ndeshja. /Telegrafi/