Superkompjuteri i Ligës Premier ka tani një favorit të ri në garën për titull

Për herë të parë këtë sezon, superkompjuteri i kompanisë Opta ka zgjedhur një favorit të ri për titullin e Ligës Premier 2023/24.

Xhiro e 30-të ishte një fundjavë vendimtare veprimi që mund të kishte një ndikim të madh në renditjen përfundimtare në tabelën e Ligës Premier.

Liverpooli erdhi nga disavantazhi për të mposhtur Brightonin në Anfield në ndeshjen e parë të së dielës që do të thotë se presioni ishte mbi rivalët për titull, Manchester City dhe Arsenal.

Barazimi 0-0 në Etihad Stadium bëri që skuadra e Jurgen Klopp të kërcej mbi Arsenalin në tabelë, dy pikë më shumë se Topçinjtë në krye dhe tre pikë përpara kampionëve në fuqi.

Manchester City po kërkon kurorën e tyre të katërt radhazi në Ligën Premier dhe një betejë për titull mes tre skuadrave pritet t’i mbajë në ankth ka tifozët e të gjitha skuadrave.

Me nëntë ndeshje të mbetura, është ende shumë afër për të hamendësuar – por numrat sugjerojnë se një favorit është shfaqur pas rezultateve të fundjavës.

Opta, ofruesi zyrtar i të dhënave për Ligën Premier, ka zbuluar se City nuk është më favorit për titull, hera e parë këtë sezon që ata nuk janë këshilluar për të përfunduar në krye.

🚨NEW FAVOURITE FOR THE PREMIER LEAGUE TITLE ALERT🚨

That’s right. For the first time this season, the Opta supercomputer doesn’t think Man City are the favourites to win the league.

Liverpool are now in the driving seat ⬇️https://t.co/n7fyu3g9Ht pic.twitter.com/thtEATt1V8

— Opta Analyst (@OptaAnalyst) March 31, 2024

Superkompjuteri i tyre sugjeron që ekipi i Jurgen Klopp tani kanë më shumë gjasa të përfundojë duke ngritur trofeun në maj, duke parë shanset e tyre të rritura me 12.4% pasi kaluan në krye të grumbullit.

Liverpoolit i është dhënë një shans prej 47.7% për të fituar ligën ndërsa City bie në 33.5%. Skuadra e Mikel Artetës mbetet e treta me 18.8% pavarësisht se është mbi ekipin e Pep Guardiolas në tabelë.

Ndryshe, Liverpool mund të përballet me provën më të madhe të ndeshjeve të mbetura fundjavën e ardhshme, kur ata të udhëtojnë në Old Trafford për t’u përballur me rivalët e Manchester United, vetëm disa javë pasi pësuan një humbje të vonë nga djemtë e Erik ten Hag, e cila i pa ata të largoheshin nga FA Cup. /Telegrafi/