Tërmeti shkund Shqipërinë, ndihen lëkundje të forta në disa qytete

Lëkundje të forta tërmeti janë regjistruar mëngjesin e së mërkurës në disa qytete të Shqipërisë.

Sipas informacioneve të para lëkundja ka qenë me magnitudë 4.6 të shkallës Rihter.

Epiqendra e tërmetit është regjistruar 48 kilometra në veriperëndim të Tiranës, 35 kilometra në veriperëndim të Durrësit. Raportohet se thellësia e valëve ka qenë 6.5 kilometra.

Lëkundjet janë ndjerë dhe në Lezhë, Laç e Fushë-Krujë.

Paniku ka mbërthyer banorët, kryesisht në zonat pranë epiqendrës aty ku lëkundjet janë ndjerë më të forta, të cilët kanë dalë nga banesat e tyre.

(A.A/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb