Transparentë “kur ushtria serbe të kthehet në Kosovë” në Budvë

Analisti malazez Lubomir Filipoviq përmes një postimi në llogarinë e tij në X, ka bërë të ditur se derisa ishte duke shkuar për në vendlindjen e tij – Budvë, ka hasur në një transparent gjigant të flamurit të Serbisë me mbishkrimin “kur ushtria serbe të kthehet në Kosovë”.

Sikur kjo të mos mjaftonte, ai theksoi se tash e dy muaj janë duke qëndruar mbi 30 transparente të tilla me thirrje nacionaliste në vendlindjen e tij, transmeton Telegrafi.

Në këto transparente sipas tij shkruan, “se malazezët nuk ekzistojnë si komb i veçantë”, dhe se deri më tani dhjetëra sosh janë vendosur në qytetin e tij të lindjes.

Gjithashtu ka postuar një video të banerit me mbishkrimin “kur ushtria serbe të kthehet në Kosovë”, duke i mbështetur me fakte pretendimet e tij lidhur me këta banerë. /Telegrafi/

Huge banner “When (Serbian) Army Returns to Kosovo” popped up in my hometown Budva today. In addition, for two months already, there are more than 30 Serbian nationalist billboards all over our small town. They’re saying that Montenegrins do not exist as a separate nation. pic.twitter.com/WwcMR4u7h8

— Ljubomir Filipović (@ljubofil) December 14, 2023