Tifozët e Interit kanë thumbuar Juventusin përpara fillimit të ndeshjes në Stadio Meazza duke zbuluar disa pankarta me polemikat e Bianconerëve ndër vite.
Ndeshja që nisi në ora 20:45 po luhet në kuadër të javës së 23-të në Serie A.
Është një nga rivalitetet më të mëdha në futbollin italian, pasi takimet mes Bianconerëve dhe Nerazzurrëve shpesh karakterizohen nga tensione dhe polemika.
Mbështetësit e Interit tronditën rivalët e tyre përpara fillimit duke zbuluar disa pankarta në Curva Nord, duke përmendur disa nga skandalet që përfshinin Juventusin ndër vite.
Tifozët e Interit shkruan: “Blerja e arbitrave”, “Provimet e falsifikuara”, “Drejtorët të dënuar”, “Fitimet e fryra kapitale”, “Ndalimi evropian”, “Bilanci i falsifikuar”, “Lojtarët me doping”, “Trofe të vjedhur”, Transferime të manipuluara” dhe “Tifozë të parespektuar”.
Natyrisht se ato janë pritur me vërshëllima nga tifozët mysafirë, që nuk pajtohen me këto fjalë. /Telegrafi/
Some harsh insults there from the #Inter fans to #Juventus: “bought referees” “banned directors” “false accounts” “stolen scudetti” “doped players”…
All true mind you!#derbyditalia pic.twitter.com/cWHN40onXx
— Daniella Matar (@DaniellaMatar) February 4, 2024