Trofeu më i lehtë i fituar ndoshta në histori – Galatasaray festoi pas një minute kohë dhe luajtën mes vete për disa minuta

Finalja e Superkupës së Turqisë përfundoi në mënyrën më të keqe të mundshme, me Fenerbahcen që vendosi të largohej nga fusha në minutën e tretë.

Galatasaray me Mauro Icardin kishte kaluar në epërsi Galatasarayn pas saktësisht 49 sekonda.

Fenerbahce kishte vendosur të fuste në fushë ekipin U-19, një vendim i marrë pas konfliktit me Federatën Turke të Futbollit pas incidenteve në Trabzon dhe gjithashtu pas kërkesës së pasuksesshme për ta shtyrë ndeshjen, pasi do të luajnë në mesjavë në Ligën e Konferencës. Po ashtu Fenerbahce kishte kërkesë të luante me gjyqtarë të huaj.

Her şey çok hızlı oldu. Kaçıranlar için Mauro Icardi’nin muhteşem golü 🦁💁🏻‍♂️#GSvFB
pic.twitter.com/ToVEfjqb67

— Galatasaray SK (@GalatasaraySK) April 7, 2024

Galatasaray, për ta bërë situatën edhe më tragjikomike, festoi në fushë sikur gjithçka të kishte ndodhur rregullisht.

17 yaşında ki çocuklara gol atmaya çalışmak sonra da şampiyonlar ligini almış gibi sahada sevinmek.

Galatasaray ancak bu kadar rezil edilip bu duruma düşebilirdi. pic.twitter.com/XbJz6Df885

— Mahmuslu (@mahmuslu) April 7, 2024

Madje pas largimit të Fenerbahces U19 nga fusha, lojtari i Galatasaray, Kerem Demirbay, që ishte rezervist për verdhekuqtë, shkoi drejt trofeut dhe e kapi duke u nisur dhomës së zhveshjes.

Pas disa sekondash ai e ktheu në vend, ndërsa për tifozët që ishin në stadium, e që shumica ishin të Galatasarayt, skuadra ‘fituese’ luajti mes vete për dëshirën e tyre.

Dy rivalët e mëdhenj të kampionatit duhej të përballeshin 29 dhjetorin e kaluar në Riad, por ndeshja nuk u luajt për shkak të një incidenti diplomatik mes Turqisë dhe Arabisë Saudite.

Kriza u krijua nga vendimi i autoriteteve arabe për të mos lejuar në fushë pankarta dhe bluza me themeluesin dhe presidentin e parë të Republikës Turke, Mustafa Kemal Ataturk.

Zafer gecemizin en güzel sarı kırmızı karesini @1905gsyiad'ın katkılarıyla seçiyoruz. 💛❤️

Sizce hangisi? 🤔#GSvFB pic.twitter.com/9s7bUcbHjz

— Galatasaray SK (@GalatasaraySK) April 7, 2024

Ndeshja ishte anuluar dhe ishte vendosur për këtë datë nga Federata Turke e Futbollit.

Fenerbahce ka kohë që ‘lufton’ me federatën turke, pasi sipas tyre, rivali Galatasaray ndihmohet në pothuajse çdo ndeshje nga gjyqtarët. /Telegrafi/