U morën në studim 200 lokacione, studimi: Plazhi më blu në botë gjendet në Shqipëri

Revista e njohur “Travel+Leisure” i ka bërë jehonë plazheve shqiptare.

Në një artikull, i cili është shpërndarë në rrjetet sociale nga kryeministri Edi Rama, evidentohet se plazhi me ujin më blu në botë gjendet në Shqipëri.

Pas analizimit të 200 plazheve në të gjithë botën, hulumtimi nxorri se Plazhi Pasqyra në jugun e Shqipërisë është plazhi me ujin më blu në botë

Postimi:

Kërkimet treguan se plazhi me ujin më blu në botë gjendet në Europë dhe përkatësisht në Shqipëri
Revista e njohur Travel+Leisure, rrëfen se për të ndihmuar njerëzit të gjejnë ujin më blu, grupi CV Villas analizoi rreth 200 plazhe përreth botës, duke përdorur kodin RGB të ngjyrës dhe duke e kryqëzuar atë me kodin YInMn Blue ose bluja më e thellë që ekziston, e cila u zbulua në vitin 2009, nga shkencëtarët e Oregon State University në SHBA
Hulumtimi nxorri se Plazhi Pasqyra në jugun e Shqipërisë është plazhi me ujin më blu në botë
Revista thote se Plazhi Pasqyra është vetëm 12.4 pikë (ose gradacione) larg nuancës YInMn Blue, çka e vendos atë të parin në listë, ndjekur nga Plazhi i Gjatë (Paralia Mpouka) në Greqi, në vendin e dytë me 13.6 pikë larg YInMn Blue, e pastaj Kassiopi po në Greqi në vendin e tretë dhe Plage de la Vernette në Francë e Plazhi Kaputaş në Turqi përmbyllin pesëshen e më të mirëve
“Morali i kësaj historie”, përfundon revista, “është se nëse dëshironi të shihni disa ujëra vërtet të kaltër, rezervoni sa më parë një fluturim për në Shqipëri dhe në Greqi”

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb