11 months ago
4
Organi financiar i UEFA-s ka refuzuar një apel nga Barcelona pasi klubi u gjobit me një shumë prej 500,000 mijë eurosh për raportim të gabuar në rezultatet e tyre financiare.
Klubi katalanas ka qenë në një periudhë të trazuar jashtë fushës dhe u tha nga organi drejtues i futbollit evropian në korrik të këtij viti se ata kishin shkelur rregullat e Fair Play Financiar (FFP).
Barcelonës iu bashkua Manchester United të cilët gjithashtu morën një faturë të rëndë, me skuadrën katalanase që duhej të paguante gjysmë milioni euro, ndërsa United u gjobit me 300,000 mijë euro.
Dhoma e Parë e Trupit të Kontrollit Financiar të Klubeve (CFCB) e ka lënë në fuqi vendimin, pavarësisht apelit nga gjigantët e La Ligas, që u hodh poshtë nga UEFA.
Barcelona u gjobit për “raportim të gabuar” në rezultatet financiare të vitit të kaluar me “fitimet nga asgjësimi i aseteve jo-materiale (përveç transferimeve të lojtarëve) të cilat nuk janë të ardhura përkatëse sipas rregulloreve.”
Klubi katalanas u përpoq të luftonte gjobën me një apel, kërkesë kjo e cila u refuzua.
Nga Barcelona thanë gjatë verës se do të apelonin vendimin e përshkruar si vendim “joproporcional” dhe se në rast nevoje do të ndërmarrin masa deri në shkallën e fundit (Gjykata e Arbitrazhit Sportiv), nëse është e nevojshme.
Gjoba për United u mbajt gjithashtu, ndërsa ekipet si Milan, Roma, Inter dhe PSG përmbushën objektivat e tyre për vitin 2022, por situata e tyre do të ‘monitorohet vazhdimisht’ sezonin e ardhshëm./Telegrafi/
English (US) ·