Ushqime të pasigurta dhe mangësi në etiketim, AKU ndëshkon dy subjekte në Tiranë dhe Fier

Drejtoritë Rajonale të AKU-së në Tiranë dhe Fier gjatë ushtrimit të kontrolleve, kanë konstatuar shkelje të kërkesave ligjore në dy subjekte me aktivitet “supermarket” dhe “magazinë ushqimore”.

Konkretisht gjatë ushtrimit të kontrollit në një subjektet me aktivitet “supermarket”, Tiranë, është konstatuar mungesë e etiketimit në gjuhën shqipe të disa produkteve ushqimore. Për këtë arsye trupa inspektuese ka gjobitur subjektin në vlerën e 50,000 lekëve, si dhe ka bllokuar një sasi produktesh ushqimore deri në etiketimin e tyre konform ligjit .

Në Fier gjatë ushtrimit të kontrollit në një “magazinë ushqimore”, ka rezultuar se subjekti shpërndante produkte ushqimore të pasigurta për konsum, si dhe një sistem gjurmueshmërie të pjesshëm. Për këto shkelje ndaj subjektit u vendos masa administrative në vlerën e 400’000 lekëve, si dhe u bllokua sasia prej 38 kg produkte ushqimore me destinacion asgjësimin e tyre.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb