9 months ago
4
Një masiv i madh dheu e zhavorri ka mbuluar Rrugën e Arbrit në fshatin Shkallë të Njësisë Administrative Xibër në Bashkinë e Klosit. Prania e baltës në rrugë ka vënë në rrezik drejtuesit e mjeteve të cilët janë përballur me befasi gjatë lëvizjes në këtë aks rrugor.
Shembja e dheut dhe zhavorrit në këtë vend vijon prej dy ditësh, ndërsa një ditë më parë rruga është bllokuar për afro 1 orë.
Reshjet e vazhdueshme të shiut kanë bërë që dheu të zbresë nga shpati i malit e në mungesë të pritave të përfundojë në asfalt. Rrëshqitja e dheut vijon ndërsa drejtuesve të automjeteve u kërkohet të tregojnë kujdes dhe të jenë të vëmendshëm gjatë qarkullimit në Rrugën e Arbrit.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·