Vula e PD-së iu dha Berishës, Çipa: Nuk po shoh një plan për t’u bashkuar të gjitha grupet e opozitarizmit

Vendimi për vulën e Partisë Demokratike, Çipa: Nuk shoh ende një plan konkret për bashkimin e

Opinionisti Aleksandër Çipa, ka komentuar në studion e “Open” në News24,situatën e opozitës në vend, pasi vula e PD-së iu dha nga Gjykata e Apelit, Sali Berishës.

“Nuk po shoh ende një plan konkret për tu bashkuar të gjitha grupet e opozitarizmit”, u shpreh ai.

Ai u shpreh se edhe pse Partia Demokratike tashmë e ka një drejtues dhe zyrtarisht ai është Berisha, ende nuk po sheh lëvizje brenda partisë.

Çipa shtoi se është zgjidhur fakti formal që ‘berishizmi’ të jetë shumicë brenda PD-së, sikundër dominon alternativa e pohimit se kjo shumicë që qeverisës vendin, luan edhe fijet brenda opozitës, e cila nuk shënjon dot unitaritetin e vet.

“Nuk është vetëm shumica që nuk lejon konkurrencën e aktorëve opozitaristë të djathtë apo qendrës së djathtë, por është bipolariteti, janë të dy ortakët e mëdhenj të rotacioneve në 33 vite, që nuk lejon kreativitetin”, përfundoi ai.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb