Zyrtare: Ernest Muçi, lojtar i ri i Besiktasit

Klubi i madh turk, Besiktas ka konfirmuar zyrtarisht transferimin e sulmuesit shqiptar, Ernest Muçi nga Legia Varshava.

Sulmuesi shqiptar ka bërë hapin e madh në karrierë pasi nga kampionati polak do të transferohet në njërin prej tri klubeve më të mëdha turke.

Bëhet fjalë për Besiktasin, i cili ka konfirmuar transferimin e Muçit me anë të faqes zyrtare në rrjetet sociale.

“Mirë se vini në Besiktas, Ernest Muçi!”, ka shkruar shkurtimisht faqja e klubit të madh turk.

Beşiktaş’a hoş geldin Ernest Muci! 🦅 pic.twitter.com/sVVoqznjON

— Beşiktaş JK (@Besiktas) February 9, 2024

Detaje tjera të transferimit nuk janë bërë publike, por 22-vjeçari shqiptar pritet të nënshkruaj për tri vite e gjysmë dhe do t’i kushtojë 10 milionë euro.

Te Besiktasi, Muçi do ta gjej yllin shqiptar të Përfaqësueses së Kosovës, Milot Rashica. /Telegrafi/

Yeni transferimiz Ernest Muci'yi taşıyan uçak, saat 16.15'te Atatürk Havalimanı Genel Havacılık Terminalinde olacaktır. 🦅 pic.twitter.com/1BGKGld3po

— Beşiktaş JK (@Besiktas) February 9, 2024