Ai i respektojnë turistët e huaj rregullat? Gazetari Dritan Laci: Rrezikojnë shumë duke mos zgjedhur guida lokale

TIRANE

Turizmi shqiptar po njeh një ngritje të stabilizuar cilësore.Turizmi shpesh përkufizohet si një udhëtim me qëllim ç’lodhjen për të kaluar kohën e lirë apo për qëllime biznesi.

Por jo të pakta janë incidentet që kanë ndodhur, ku shpesh herë kanë rezultuar fatale!

Sot paneli i programit Vila24 me moderatoren Anila Çela diskutoi mbi problematikat e turizmit ku gjatë bisedës gazetaRi Dritan Laci ndaloi te turistët e huaj të cilët rrezikojnë duke mos marrë guida vendase gjatë eksplorimit të Shqipërisë.

“Shumë turistë dëgjojnë që Shqipëria është një vend i sigurt dhe i virgjër, zgjedhin të eksplorojnë natyrën pa një guidë kur vijnë këtu. Por ka vende dhe male që kanë një rrezikshmëri të lartë si është mali i Çikës, Jezercës apo Alpet të cilat nuk mund të eksplorohen pa një guidë.

Ata kanë veshjet përkatëse por sërish në mungesë të një guide apo shenjave treguese në male bëhet e vështirë, por kënaqësia e turistëve të huaj bëhet e madhe që kur kanë incidente se e marrin si trofe dhe atë. Por ne kemi pasur raste me humbje jete dhe të guidave shqiptare”- tha Laci për News24.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb