Aksidenti tragjik në Korçë ku humbi jetën 29-vjeçari, arrestohet shoferi i kamionit

Policia ka arrestuar drejtuesin e kamionit Vasil Rika pas aksidentit tragjik ku humbi jetën 29-vjeçari Kosta Nako nga Pojani i bashkisë së Maliqit.

Ekspertët e qarkullimit rrugor pasi kanë këqyrur ditën e sotme vendin e ngjarjes kanë zbardhur dinamikën e aksidentit me një të vdekur e dy të plagosur.

Lexo edhe :

Related Posts

Sipas aktekspertizës drejtuesi i kamionit ka qenë duke ardhur nga Maliqi në drejtim të Korçës, para tij në të njëjtin sens lëvizje ka qenë edhe një veturë.

Drejtues i këtij mjeti krejt papritur ka kërkuar të kalojë nga krahu i djathtë i aksit nacional për t’u futur në rrugë dytësore.

Në këto kushte drejtuesi i kamionit për të shmangur përplasjen me veturën ka frenuar për më shumë se 10 metra dhe me pas ka devijuar djathtas aty ku ka goditur mjetin e viktimës që ndodhej i ndaluar jashtë rruge në pritje për të hyrë në rrugë kryesore.

Goditja ka rezultuar fatale për 29-vjeçarin që ishte drejtues i mjetit nga ana tjetër i plagosur ka mbetur një person tjetër që ishte në mjet si dhe drejtuesi i mjetit të tonazhit rëndë./vizionplus.tv