3 months ago
5
Ka ardhur koha për shitje në Ligën Premier. Dhe, shumë kohë përpara se të fillojë sezoni 2024/25 ose të përfundojë afati kalimtar i verës, një tjetër datë kyçe është në horizont: 30 qershori.
30 qershori është ‘dita e fundit’ në të cilën të gjitha klubet e Ligës Premier ose të Championshipit duhet të kenë në rregull financat e tyre në mënyrë që të kalojnë kontrollet përkatëse të Rregullave të Fitimit dhe Qëndrueshmërisë (PSR) të ligës angleze. Përndryshe, ata do të përballen me sanksione dhe zbritje pikësh, diçka që ka ndodhur me Evertonin dhe Nottingham Forest në sezonin 2023/24.
Rregullat, të cilat janë shtrënguar vitet e fundit, janë të qarta. Klubet mund të pësojnë humbje të caktuara financiare gjatë një periudhe trevjeçare me datën 30 qershor si dita në të cilën ato llogariten. Në Ligën Premier, kjo shifër kapëse rritet në 105 milionë funte; në Championship, me 39 milionë funte. Ideja është e qartë: shmangni një borxh të madh të klubeve dhe mbrojini ato.
Megjithatë, kjo është diçka që ne e dinim tashmë… Sipa Sky Sports News, gjashtë klube (Everton, Nottingham Forest, Newcastle, Chelsea, Aston Villa dhe Leicester City) janë përballë nevojës për të shitur lojtarë para fundit të qershorit për të respektuar këto rregulla. Kujtojmë që Leicester tashmë po hetohet për sezonin 2022/23, atë në të cilin ra në Championship. Tani është kthyer në Ligën Premier.
BREAKING: Six Premier League clubs face having to sell players before the end of June to comply with profit and sustainability rules 🚨
Sky Sports News understands Chelsea, Aston Villa, Newcastle, Everton, Nottingham Forest and Leicester City are the clubs under pressure 👇 pic.twitter.com/JcysBo5Fja
— Sky Sports News (@SkySportsNews) June 6, 2024
Ndaj, kuptohet që volumi i humbjeve është më i madh se 105 milionë funte të përcaktuara dhe të gjitha klubet e përmendura duhet të shesin për të ulur atë prag. Në këtë pikë, në Angli ka spekulime për mundësinë e largimit të lojtarëve për një çmim më të ulët se çmimi i tregut për shkak të urgjencës së shlyerjes së borxheve. Në të njëjtën kohë, produktet nga akademia do të jenë në rreshtin e parë të shitjeve sepse fitimi kapital i gjeneruar nga prodhimi i tyre është më i madh.
Por… çfarë sanksionesh mund të ketë në rast mosrespektimi? Sa pikë zbriten? Siç e kemi parë në sezonin që sapo ka përfunduar, është e vështirë të parashikohet.
Nottingham Forest u dënua me katër pikë për mbi 34.5 milionë funte, ndërsa Evertoni u dënua me 10 pikë (më vonë u zvogëlua në gjashtë pikë) për mbi 16.6 milionë funte. Kjo është, më pak se ato në Nottingham. /Telegrafi/
English (US) ·