Argjentina sfidon Uruguajin e uritur për pikë

Të frymëzuar nga Angel Di Maria, Paulo Dybala dhe sigurisht, Lionel Messi, Albicelestët po përgatiten maksimalisht për fitoren e pestë radhazi në këto kualifikuese. Optimistë për një rezultat pozitiv u shfaq ylli i Romës, i cili pranoi se do të bëjnë gjithçka që Di Maria të mos pensionohet, ndërsa të stërvitesh me Messin është një gjë fantastike.

“Jemi të vetëdijshëm për rivalin tonë. Janë një skuadër e mirë dhe me lojtarë të talentuar. Shpresoj që Di Maria të qëndrojë përgjithmonë me ne. Ai është një person i madh dhe një shok i shkëlqyer në skuadër. Ne do të përpiqemi ta ndalojmë të largohet. Messi është shumë i mirë, ai po bën shumë mirë. Gjithmonë jam shumë i lumtur kur vjen.”  Argjentina synon për të thelluar avantazhin e pikëve me Uruguajin, që është momentalisht 5 pikë. Kampionët e Botës kanë edhe historinë në krahun e saj, pasi kanë fituar 97 takime, barazuar 52 dhe humbur në 62 raste. Në krahun tjetër, Uruguaj synon të marrë fitoren e parë pas më shumë se një dekade, 2 barazime dhe 5 humbje.