Barcelona fiton në frymën e fundit në udhëtim ndaj Las Palmas

Barcelona ka fituar me rezultat 2-1 në udhëtim ndaj Las Palmas, në kuadër të javës së 19-të në elitën e futbollit spanjoll.

Pjesa e parë u takoi vendasve të cilët patën dominim të plotë, ku dhe shënuan golin e avantazhit.

Munir El Haddadi (12’) shfrytëzon një pasim të bukur nga Sandro Ramirez për të shënuar për rezultatin 1-0.

🇪🇸 Goal: Munir El Haddadi | Las Palmas 1-0 Barcelonapic.twitter.com/AawmcRW7pE

— FootColic ⚽️ (@FootColic) January 4, 2024

Las Palmas pati mundësinë të dyfishonte epërsinë me anë të Sandro Ramirez (29’) por goditja e tij u ndal nga shtylla.

Pjesa e dytë e gjeti Barcelonën me një fytyrë krejtësisht tjetër, të cilët dominuan kundërshtarin pothuajse gjatë tërë kohës.

Blaugranasit barazuan shifrat me anë të Ferran Torres (56’) i cili mposhti portierin vendas me një goditje që përfundoi në cepin e djathtë të portës për 1-1.

🚨 Barcelona's first goal, Ferran Torres

pic.twitter.com/MXsKGHWFag

— Leo Messi (@Messi_10_30) January 4, 2024

Katalanasit kompletuan rikthimin e rezultatit krejt në fundin e ndeshjes kur Ilkay Gundogan (92’) shënoi për 2-1 nga penaltia të cilën e fitoi vet.

🚨🚨| GOAL: GUNDOGAN SCORES HIS PENALTY AND BARCA ARE GOING TO WIN

Las Palmas 1-2 FC Barcelona

pic.twitter.com/nKj17IeJwF

— CentreGoals. (@centregoals) January 4, 2024

Në këtë ndeshje për Barcelonën debutoi edhe prurja e re Vitor Roque i cili u inkuadrua në fushë në minutën e 78-të.

Pas kësaj fitore Barcelona shkon në kuotën e 41 pikëve, shtatë më pak se Real Madridi dhe Girona që kanë 48 sosh./Telegrafi/