“Çingia tundi dosjen si dajre mbi prehrin e tutorit”/ Olsi Rama në SPAK për akuzat e Bardhit, kryeministri: T’i gjejë vendin gishtit të akuzës që e ka mbajtur aq shumë në ajër

Kryeministri Edi Rama ka reaguar në lidhej me thirrjen e vëllait të tij Olsi Rama në Prokurorinë e Posaçme.

Në një postim në rrjetin social “X”, ai është treguar i ashpër me kreun e grupit parlamentar të PD Gazment Bardhi, duke e quajtur “çingie që tund dosjen si dajre në prehrin e tutorit të ri lart në ballkon”.

Sipas kreut të qeverisë, kallëzimi i Bardhit është “i paqenë” dhe duhet pritur nëse SPAK do të gjejë prova.

Postimi: 

A ju kujtohet kur thoshte “kallzim more kallzim kam bërë” duke tundur ndenjësen mbi karrige?! Kishte zbuluar një narkotrafikant në familjen time, që e kishte kallzuar në SPAK dhe aq shumë e bëri ajrin vrimë me gisht sa e detyroi narkosin e kallzuar, t’i bënte kallzim për kallzim të rremë. Mirëpo ja që s’paska qenë kallzim i rremë sepse s’paska qenë fare hiç kallzim, po një tjetër kërcim i çingijes në prehërin e tutorit të ri lart në ballkon. Orë të tëra në parlament, intervista të tëra nëpër kanale, tituj e fjali të tëra nëpër portale, pa asnjë turp e asnjë respekt për miletin që e kanë bërë si mish në pazarin e neveritshëm të kujeve e kuisjeve të tyre, dhe si përfundim një tallje e madhe për një kallzim që nuk ekziston! Fatmirësisht SPAK-u megjithatë e ka rihapur dosjen e tundur nga çingija si dajre mbi prehërin e tutorit dhe le të presim deri në fund nëse do të gjejë provat e pretenduara nga çingija do të duhet t’i gjejë vendin gishtit të akuzës që e ka mbajtur aq shumë në ajër, për të argumentuar kallzimin e paqenë!

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb