Çmime të kripura në ‘Paris 2024’

Lojërat Olimpike të Parisit pritet të jenë kompeticioni më fitimprurës në historinë e këtij turneu. Prestigjozja franceze ‘L’Equipe’ (‘Lekip’)  krahasoi çmimin e biletave në Paris me ato të ngjarjeve të fundit olimpike. Me çmime minimale dhe maksimale, kryeqyteti i Francës do ishte gara më e shtrenjtë e atletikës në historinë olimpike. Me çmime minimale 24 Euro dhe maksimale 950, ky turne do të jetë më e shtrenjta në të gjitha garat e zhvilluara deri më tani. 

Londra 2012 kishte një çmim minimal prej 23 Euro, duke qenë më i larti deri tani. Në Tokio 2021, maksimumi për finalet e atletikës do të arrinte në 995 Euro, por në fund u mbajt me dyer të mbyllura . Gjithashtu çmimi maksimal i ceremonisë së hapjes pritet të jetë 25,000 Euro, që përbën edhe biletën më të shtrenjtë në Paris, shumë më tepër se 2,300 që kushtoi ajo më e shtrenjta në Londër 2012, çmimi më i lartë deri tani. 

Olimpiada e ‘Rio 2016’ ka çmimin më të lirë, me një maksimum prej 1200 Eurosh në ceremoninë e hapjes që u mbajt në stadiumin ‘Maracaná’. Rreth 10 milionë bileta janë vënë në dispozicion për Olimpiadën e Parisit, ku afro 7 milionë janë shitur deri më tani. Në turneun që zgjat 18 ditë, sportistë do garojnë në 32 disiplina të ndryshme, ku do të shpërndahen 329 medalje.